बिदेशमा अलपत्र कामदारलाइ सरकारी कोषबाटै उद्धार गर्न सर्बोच्चको आदेश

बिराटनगर;- बिदेशमा अलपत्र कामदारलाइ उद्धार गर्दा उनीहरुबाट भाडा नलिन सर्वोच्च अदालते अन्तरिम आदेश दिएको छ। वैदेशिक रोजगारी वा अन्य कारणले विदेशमा पुगेर कोभिड–१९ कारण अप्ठेरोमा परेकाहरुलाइ सरकारी कोषबाटै उद्धार गर्न आदेश दिएको हो।

सरकारले विभिन्न देशबाट तत्काल २४ हजार नागरिकलाई उद्धार गरी ल्याउने र उनीहरुबाट लिने भाडासमेत सरकारले सार्वजनिक गरेपछि त्यसका विरुद्ध अधिवक्ता सोमप्रसाद लुइँटेलसहित चारजनाले दायर गरेको रिट निवेदनमाथि सुनुवाइ गर्दै सर्वोच्चले सरकारी कोषबाटै उद्धार गर्न आदेश दिएको हो।

वैदेशिक रोजगारी कल्याणकारी कोष’मा उनीहरुको योगदान रहने भन्दै आदेशमा कार्यविधि बनाइ अप्ठेरो परेका बेला सोही कोषको रकम खर्च गरेर उद्धार गर्न भनिएको छ ।

सरकारले गत जेठ १२ गते ‘कोभिड–१९ को विश्वव्यापी संक्रमणको कारणबाट उत्पन्न परिस्थितिमा स्वदेश आउनैपर्ने अवस्थामा रहेका नेपाली नागरिकलाई स्वदेश आउन सहजीकरण गर्नेसम्बन्धी आदेश २०७७’ जारी गरेको थियो।

आदेशमा अन्य स्रोतबाट खर्च नव्यहोरिने नेपालीको स्वदेश फर्किने खर्च आफैंले व्यहोर्नुपर्ने व्यवस्था गरिएको छ। यसअघि वैशाख २ गते पनि सर्वोच्चले अलपत्र परेका आफ्ना नागरिकलाई तत्काल उद्धार गरी ल्याउन आदेश दिएको थियो।

Leave a Reply

Your email address will not be published. Required fields are marked *