खोटाङको जन्तेढुंगामा ८५ घर परिवारलाई राहत

विराटनगर :खोटाङको जन्तेढुंगा गाउँपालिका–६ दिप्लुङका ८५ घर परिवारलाई राहत बाँडिएको छ । लकडाउनका कारण आयमुलक काम गर्न नपाउँदा समस्यामा परेका विपन्न परिवारलाई छानेर आइतबार चामल, दाल, तेल लगायतका खाद्य सामग्री प्रदान गरिएको हो ।

स्थानीय युवा रकेट राईको पहलमा कोरियामा रहेका नेपालीबाट संकलन गरिएको ८५ हजार ६ सय र नेपालमै रहेका दाताबाट संकलन गरिएको २४ हजारमा खाद्य सामग्री जुटाएर विपन्न र दलित परिवारलाई राहत प्रदान गरिएको हो ।

पाँच जनाभन्दा बढी सदस्य संख्या भएका परिवारलाई प्रति परिवार ३० केजी र पाँच जनाभन्दा कम सदस्य संख्या भएका परिवारलाई १५ केजीका दरले चामल वितरण गरिएको स्थानीय जगत किरातीले जानकारी दिए । गाउँपालिकाका अध्यक्ष शंकर राई, उपाध्यक्ष विमला राई, वडाध्यक्ष लगायतको उपस्थितिमा विपन्न परिवारलाई राहत बाँडिएको हो ।

Leave a Reply

Your email address will not be published. Required fields are marked *