पछिल्लो २४ घण्टामा देशभर थप १३५६ जनामा कोरोना संक्रमण पुष्टि, २ जनाको मृत्यु ।

 

असोज ६ गते,विराटनगर – पछिल्लो २४ घण्टामा नेपालमा प्रदेश नं. १ मा १६३ जना सहित थप १ हजार ३ सय ५६ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

जसमा ४५९ जना महिला छन् भने ८९७ जना पुरुष रहेका छन् ।


मन्त्रालयको नियमित प्रेस ब्रिफिङका क्रममा मंगलबार प्रवक्ता डा. जागेश्वर गौतमका अनुसार हालसम्म नेपालमा कोरोना संक्रमितको संख्या ६६ हजार ६ सय ३२ पुगेको छ ।

यसैगरी पछिल्लो २४ घन्टामा कोरोनामुक्त भएर ८ सय २३ जना डिस्चार्ज भएका छन् । यो सँगै नेपालमा हालसम्म कोरोनामुक्त हुनेको संख्या ४८ हजार ६१ जना पुगेको छ ।

त्यस्तै पछिल्लो २४ घन्टामा नेपालमा थप २ जनाको कोरोना संक्रमणबाट मृत्यु भएको स्वास्थ्य तथा जनसंख्या मन्त्रालयले जनाएको छ । यो सँगै नेपालमा कोरोना संक्रमणबाट मृत्यु हुनेको संख्या ४ सय २९ जना पुगेको छ ।

Leave a Reply

Your email address will not be published. Required fields are marked *