अनसनरत डाक्टर गोविन्द केसी र सरकार पक्षबीच वार्ता सुरु ।

असोज २२ गते,विराटनगर – अनसनरत डाक्टर गोविन्द केसी र सरकार पक्षबीच वार्ता सुरु भएको छ ।

डाक्टर केसी ६ बुँदे माग राखेर १९ औं अनसनमा बसेको आज २५ दिन पुगिसकेको छ । बुधवार नै उहाँको स्वास्थ्यमा निकै समस्या आएको र अवश्था गम्भिर भएकोले तत्काल आईसीयूमा सार्नुपर्ने उपचारमा संलग्न डाक्टरले बताएता पनि तर डाक्टर केसीले आईसीयूमा जान अस्वीकार गरेका थिए ।

डा. केसीको जीवन रक्षाको माग गर्दै सरकारलाई चौतर्फि दबाव आएपछि हिजो बुधवार नै सरकार र डाक्टर केसी पक्षले वार्ता टोली गठन गरेलगत्तै अहिले शिक्षा मन्त्रालयमा वार्ता सुरु भएको हो ।

Sushmita Shah_Abadainik

डाक्टर केसीसँग वार्ताको लागि सरकारले शिक्षा सचिव मैनालीको संयोजकत्वमा स्वास्थ्य मन्त्रालयका सह-सचिव डा. गुणराज लोहनी र चिकित्सा शिक्षा आयोगका निर्देशक डाक्टर दिलीप शर्मा सदस्यीय टोली गठन गरेको हो ।

यस्तै डाक्टर केसीका तर्फबाट डाक्टर जीवन क्षेत्रीको संयोजकत्वमा नेपाल स्वास्थ्य अनुसन्धान परिषद्का अध्यक्ष डाक्टर अञ्जनीकुमार झा, नेपाल चिकित्सक संघका अध्यक्ष डाक्टर लोचन कार्की र अधिवक्ता ओमप्रकाश अर्याल सदस्यीय टोली गठन भएको छ ।

उहाँले सरकारसँग ०७५ साउन १० गते गरिएको सम्झौताअनुसार चिकित्सा शिक्षा ऐन संशोधन गर्नुपर्ने, त्रिवि चिकित्साशास्त्र अध्ययन संस्थान आईओएममा वरिष्ठता मिचेर गरिएका नियुक्ति सच्याउनुपर्ने र बयलपाटा अस्पताललाई नियमित र आवश्यक बजेट व्यवस्था गरी निःशुल्क स्वास्थ्य सेवा सुनिश्चित गर्नुपर्ने लगायत ६ बुँदे माग राख्दै गत भदौ २९ गते डाक्टर केसीले जुम्लाको धर्मशालामा अनसन सुरु गरेका हुन् ।

डा. केसीका समर्थकहरुले उहाँको माग सम्बोधन नभए आन्दोलनमा जाने घोषणा समेत गरेका छन् ।

Leave a Reply

Your email address will not be published. Required fields are marked *