झापामा अघिल्लो वर्षको तुलनामा यसवर्ष धान उत्पादनमा बृद्धि ।

मंसिर ५ गते,झापा – अघिल्लो वर्षको तुलनामा यसवर्ष पूर्वी जिल्ला झापामा धानको उत्पादन बढेको छ ।

रोग कीराको प्रकोप घट्नुका साथै धान खेतीको क्षेत्रफल पनि बढेकाले उत्पादनमा बृद्धि भएको हो ।क्षेत्रफलमा भएको बृद्धि, उन्नत जातको बीउको प्रयोग र पर्याप्त सिँचाइ सुविधा लगायतका कारण अघिल्लो वर्षको तुलनामा यो वर्ष जिल्लामा धानको उत्पादन बृद्धि भएको हो ।
कोरोनाका कारण खेती किसानीमा पर्याप्त श्रम शक्ति खर्चिएकाले पनि उत्पादनमा बृद्धि भएको कृषि ज्ञान केन्द्र झापाका अर्थ कृषिविज्ञ शालिकराम भट्टराई बताउँछन्।

Sushmita Shah_Abadainik

यसवर्ष झापामा चार लाख १५ हजार छ सय २५ मेट्रिकटन धान उत्पादन भएको कृषि ज्ञान केन्द्रले जनाएको छ । अघिल्लो वर्ष तीन लाख ८१ हजार नौ सय ३७ मेट्रिकटन धान उत्पादन भएको थियो ।

नेपालमा सबै भन्दाबढी धान उत्पादन हुने जिल्लाका रुपमा रेकर्ड बनाएको झापामा यसवर्ष किसानले ८५ हजार ७ सय ५० हेक्टरमा धान खेती गरेका थिए । अघिल्लो वर्षको तुलनामा धान खेतीको क्षेत्रफल नौ सय ७५ हेक्टर थपिएको हो ।
धान उत्पादन बढे पनि उचित मूल्य नपाउने झापाका किसानलाई चिन्ता छाएको छ ।

 

Leave a Reply

Your email address will not be published. Required fields are marked *