अक्सफोर्डको कोरानो विरुद्धको खोप ७० प्रतिशत प्रभावकारी ।

मंसिर ८ गते, विराटनगर –  बेलायतको अक्सफोर्ड युनिभर्सिटीले एक्स्ट्राजेनेकासँग मिलेर बनाइरहेको कोरानो भाइरस (कोभिड–१९) विरुद्धको खोप संक्रमण रोक्न ७० प्रतिशत प्रभावकारी देखिएको छ ।

युनिभर्सिटीले सार्वजनिक गरेको अन्तिम चरणको मानव परीक्षणमा यो खोप ७० प्रतिशत प्रभावकारी पाइएको हो ।

Sushmita Shah_Abadainik

यसअघि अमेरिकी कम्पनीहरु फाइजर र मोडेर्नाले निर्माण गरिरहेको कोरोना खोप संक्रमण नियन्त्रणका लागि ९५ प्रतिशत प्रभावकारी रहेको नतिजा सार्वजनिक गरिएको थियो ।  यद्यपि अक्सफोर्डले निर्माण गरेको खोप अन्य दुई खोपको तुलनामा निकै सस्तो र स्टोर गरेर राख्न पनि सजिलो हुने किसिमको छ ।

नियामकले यसलाई कोरोना खोपको रुपमा मान्यता दिनुका साथै महामारी नियन्त्रणको लागि पनि यसले महत्वपूर्ण भूमिका निर्वाह गर्ने विशेषज्ञहरुले बताएका छन् ।
यो खोपको लागि बेलायत सरकारले यसअघि नै १० करोड डोज प्रि–अर्डर गरिसकेको छ । जसको माध्यमबाट पाँच करोड मानिसलाई खोप दिन सकिन्छ ।

 

Leave a Reply

Your email address will not be published. Required fields are marked *